« Tsy mihemotra ny fonay, ary tsy miala amin’ny lalanao ny dianay. » Salamo 44 :18
Ry Hava-malala ao @ Tompo,
Fo feno fitiavana no entinay miarahaba anareo rehetra tratry ny taona vaovao 2010.
Jesosy Kristy ilay efa tia sy niantso antsika rehetra anie hiara-dalana @ tsika @ ity taona ka handrotsaka ny fahasoavany manana amby ampy mba tsy hahatonga antsika hierikerika eo am-panompoana Azy . Izy koa anie hampitombo finoana sy hampahery antsika ka hampazoto antsika hanao ny sitrapony sy hijoro vavolombelona mandrakariva eo @ fiainan-tsika.
Araka ny tapa-tsika tany Viviers t@ 2008 dia izahay eto Avignon no handray ny Zaikaben’ny FAA @ ity taona ity , koa dia am-panetrehan-tena lehibe no hikarakaranay izany. Tsy miafina @ nareo anefa fa mbola azo lazaina fa miana-mandeha ihany izahay , koa hialana tsiny indrindra , Tompoko, raha betsaka ny fitavozavozana sy ny fahatarana eo @ fanomanana izany.
Noho ny antony eo @ toerana handraisana dia voatery hatao ny 13 sy 14 febroary 2010 ny fihaonan-tsika ; koa satria efa tena antomotra dia antomotra izany fotoana izany dia noferana ho hatramin’ny 31 janoary ny fe-potoana hisoratana anarana.
Mba hahafahan-tsika manatanteraka izany dia indro misy fanazavana vitsivitsy homena :
- ny toerana hanaovana ny Zaikabe dia ao @ Lycée Agricole Carpentras « Louis Giraud » : misy amphithéatre lehibe afaka hivoriana sy hanaovana ny fotoampivavahana sy salle de réunion hanaovana ny ateliers ary koa restaurant
- ny saran-dasy dia :
Fotoana fahatongavana | Olon-dehibe | Ankizy < 12 ans | Ankizy < 5 ans |
Sabotsy maraina | 50 euros | 35 euros | Gratuit ny sakafo fa 8,15 euros raha maka fandriana iray |
Sabotsy hariva na alahady | 45 euros | 30 euros | Gratuit ny sakafo fa 8,15 euros raha maka fandriana iray |
Koa raha io tabilao io no jerena dia tsara raha soritana mazava @ fisoratana anarana ny isan’ny olon-dehibe , ny ankizy latsakin’ny 12 taona sy ny ankizy latsakin »ny 5 taona , ny ankizy < 5 taona haka fandriana iray , ny fotoana hatongavana
- ny fisoratana anarana dia alefa @ adiresy : nvh_24@hotmail.fr ( Nivo Razafindramboa) , ary noho ny toerana voafetra ho 287 ihany dia izay olona mahafeno io isa io voalohany no ekena ary rehefa dila ny fe-potoana 31 janoary dia mikatona ny fisoratana anarana mba hahafahana manao ny fanomanana rehetra
- raha misy mila fanazavana manokana dia afaka miantso ny 09 54 03 90 75 na 06 27 94 37 51 (Nivo) na 06 29 09 59 87 (Dimby)
Raisina an-tanan-droa raha misy tolon-kevitra hanatsarana ny fihaonan-tsika.
Hery lehibe ho anay eto Avignon ny fahatongavanareo rehetra ary dia aoka mba samy hitondra am-bavaka ny fotoana satria » Raha tsy Jehovah no manao ny trano, dia miasa foana ny mpanao azy. Raha tsy Jehovah no miambina ny tanàna, dia miari-tory foana ny mpiambina. » Salamo 127:1
Hanjaka @ nareo anie ny fitiavana hombam-piadanana avy @ Andriamanitra Ray , Zanaka ary Fanahy Masina.
Nivo sy Dimby RAZAFINDRAMBOA
116, avenue de Tarascon E 14
84000 AVIGNON